AKD Theme song

හැමදාම පරාද එවුන් අහම්බෙන් හරි දිනන දවසක් එනවා. අනුරට අකමැති නම් කියපල්ලා !

 

මම වාමාංශික අදහස් ඇති ඒ වෙනුවෙන් පෙනී සිටිමින් පච්ච ගහගත්ත නිර්දන පන්තියේ ලියන්නෙක්. දක්ෂිණාංශික දේශපාලනය පරතෙරටම කියවපු, ඒ වෙනුවෙන් තප්පුලන මේලෝ අලබෝලයක් දන්නේ නැති උන් එක්කද එකපතේ කාපු එකෙක්.

ඒ වගේම වටේ ගිහින් ගෙටම එන, අන්තිමට බලන කොට නටපු තොවිලෙකුත් නැති බේරේ පලුවකුත් නැති රනිල් වගේ පොරවල් එක්ක බාල් නටපු එකෙක්. ඒක නිසා මේ කෙරුවාවල් වලින් සිදුවෙන්ට නියමිත අම්බානක කෙලවිල්ල වටේ ඉන්න උන්ට නොතේරුනාට මහපොලොවේ ජිවත් වෙමින්, මිනිසුන් අතර ඉන්න අපට පෙනෙන්නේ අමුතුම විදිහටයි.

ඒසී කාමර වල ඉදලා ලැප් එකෙන් කට් කරමින් පින්තුර එඩිට් කර මඩ ලොරි ගණන් පැටේව්වට හොදටම මඩ නාලා ඒවා එක්ක ජීවත් වුණු එවුන්ට දැන් අලුතින් ගහන්න මඩක් නැහැ.

හොදට මඩ නාලා කාලය විසින්ම ඒවා සුද්ධ වෙච්ච උන්ට දැන් මඩ ඈතින් එනකොටම එන දිසාව වගේම ඒවාට ඇන්ටි මිසයිල් ගහන විදිහත් ඒවා ඉවත් කරන නවීන අයුධ වලින් ද ඔවුන් මේ වෙද්දී සන්නද්ධ වී ඇති බව කිය යුතුය.

කුලියට මඩ අදින කුලීකාරයොයි ඇත්තටම මඩ නිෂ්පාදනය කරන නිෂ්පාදකයොයි කවුරුන්ද කියා අපි හොදින්ම දන්නේය.

එහෙයින් මඩ ගහන වුන් එක්ක මේ වෙද්දි අපිට ගේමක් නැත. මඩ පැක්ටේරි කොහෙද කියෙන්නේ ඒවා කොයි වගේ මේ මඩ පැක්ටේරි විනාශ කරන්නේ කොහොමද කුමන වෙලාවේද යන්න කිසිවෙක් දන්නේද නැත. එහෙත් එය අපි දන්නේය.

මේ පැක්ටේරිවලට අවස්ථානුකූලව වෙන සැන්තෑසිය මේ කඩේ යන වැළපෙන උන්ගේ ඉහේ ඉන්න උකුණෙක්වත් දන්නේ නැත.ඒවා දැන ගන්න විදිහක් මේ අයට නැති බව වගකීමෙන් කියන්නෙමි.

ෆේස් බුක් නැත්නම් මාලිමාව මහපොලොවේ පත බෑවෙනවා යයි වහසි බස් දොඩන උන්ට කියන්න තියෙන්නේ මාලිමාව දැන් සහමුලින්ම ඉන්නේ මහපොලොවේ බවයි.

උත්තම පුජාවෙන් රෙදි නැතුව කඩේ යන සන්නිවේදනයේ මහ ඇදුරන්ට සහ ඒවා මෙහෙයවන අයට දැන් කියන්න තියෙන්නේ අපිත් උඹලා නොදන්නා වුනාට උබලත් එක්ක හිටිය උන් කියලයි.

නුඹලාගේ කොරුවාවල් සහ කැපෑසිටි එක අපි හොදින්ම දන්නවා. රෑප පෙටිටියෙන් දාන විසබීජ දැන් මහපොලොවේ ජීවත් වෙන මිනිසුන්ට ඉපෙක්ට් වෙන්නේ නැත.

මහපොලොවේ ඉන්න අපි උඹලා ඔහෙන් දානකොටම මෙහෙන් විනාශ කරන තැනට දැන් ශක්තිමත් වී ඇත්තෙමු. මේක හැමදාම පරාද වුනු උන්ගේ ගේමක්.

උන්ට ජයග්‍රහණයක් අරගෙන දෙන්න ස්භාවධර්මයේ ආශිර්වාදයක් සහයෝගයත් එකතු වෙලා .එක අමුතු එකක්. ඒක හින්දා මේ යන ගමන වලක්වන්නට හිතන්නවත් එපා.
වැඩක් වෙන්නේ නැහැ.

මොන ගේම් ගැහැවත් මොන සෙල්ලම් දැම්මත් කොයි විදිහෙන් ආවත් අපි පිරිස් බලයෙන් චින්තනයෙන් ශක්තිමත්.ඒ වගේම උපායශීලිත්වය සහ ඉවසීමේ ගුණයෙන්ද එඩිතර කැපවීමෙන්ද අවස්ථාව ලද සැනින් අක්‍රමණශිලිත්වය අභිබවා යා හැකි පිරිස් අප සමග ඉන්නවා.

ඒක බලයක් රහසක් සේ සගවාගෙන අපි ඉදිරියට ඇදෙනවා. හිතන්න එපා වැඩේ ලේසී වෙන්නේ නැහැ.

ටිකක් උසස් භාෂාවෙන් කිව්වොත් මේක පන්ති සටනක්. අවබෝධයෙන් අඩු එහෙත් අපේක්ෂාවන් කප්පරක් ඇතිව අපේක්ෂාභංගත්වයෙන් සිටින මැද පන්තියේ උන් එක්ක සන්ධාන ගතවෙලා උන්ගේ හයියෙන් යන ගමනක් .

උන් නිර්ධන පන්තියේ උන් වගේ නොවෙයි. තහඩු කැල්ලට හාල් කිලෝ පහකට රැවැටෙන ජාතියක් නොවෙයි. අවබෝධයෙන්ද මමත්වයෙන්ද පිරිච්ච එවුන් තමන්ගේ ගොඩ අඩුවෙන කොට උන්ට හොදට දැනෙනවා.

උන් තමයි දැන් මේ සටනේ මුලින්ම ඉන්නේ. එහෙම නැතුව රනිල් හමුගේ වලව්කාර සෙට් එක හරි. රාජපක්ෂලාට පදිරි වෙච්ච ගල්, වැලි, පස් පජාත සෙට් එක නොවෙයි.

ටයිකෝට් ගහගෙන කුඹුරට බැහැල වැඩකරන්න වගේම නාසා එකට ගිහිල්ලා රොකට් යවන උන්ට උපදෙස් දෙන්න පුලුවන් උනුත් මේකේ ඉන්නවා.

එක තමයි මේ පුනරුද යුගයේ සමාජ පෙරළියේ ස්භාවය. මේක කියවලා අවබෝධයක් නැතිනම් ආයමත් සැරයත් කියවලා තේරුම් ගනිල්ලා. දැන් උඹලට අපි තේරෙන භෂාවෙන් කියන්නේ නැහැ.

උඹලා බයවෙයල්ලා. මේ උඹලා කඩේ යන නාකි සෙට් එක ගහන ගේම උන්වත් දන්නේ නැහැ. එන බෝලෙට ගහනවා විතරයි.

එක ලකුණක් ගහලා ඊළග එකට හයක් ගහනවා වගේ පෙන්වනවා. එත් මුං එකෙත්වත් ජීවිතේට හයත් තියා හතරත්වත් ගහපු නැති උන්. පන්දමට පන්තියට ක්‍රිකට් ගහන්න ආපු උන්.ඇත්තම ටීම් එක ඉන්නේ ග්‍රවුන් එකෙන් එළියේ.

උන් එන්නේ ප්‍රේක්ෂකයින්ට මල පැනල ග්‍රවුන්ඩ් එක මැදට පැනලා මුන්ට ගහල එළවනකොට විතරයි. ඒ හුරේ දාන ප්‍රේක්ෂකයෝ හිතන්නේ මුන් තමයි පොරවල් කියලා.ඒ හින්දා උන්ටම තේරිලා මැච් එක කෙලවෙනකල්ම අපිට ඉන්න වෙනවා.

අපි එහෙම හිටියා. ප්‍රේක්ෂකයෝ කඩා පැන්නා. මුන් ඔක්කොම එලෙව්වා. දැන් මැච් එකක් නැහැ. ග්‍රවුන්ඩ් එකේ ඉන්නේ ප්‍රේක්ෂයෝ. උන් අපිට එන්න කියනවා. එත් ගේට්ටුව අරින්නේ නැහැ.

අපි ගේට්ටුව වට කරගෙන ඉන්නේ. ඇයි ඒ, අපිට ගේට්ටුව කඩලා නීති විරෝධි වැඩ කරන හිතක් දැන් නැති නිසා. දැන් කියන්නේ මේකයි. සිකුරිටියෝ ගේට්ටුව ඇරපන්,අපිට එන්න දෙන්නේ නැත්නම් ඇතුලේ ඉන්න මිනිස්සු උඹලටත් ගහලා ගේට්ටුව කඩලා අපිට ඇතුළට ගන්නවා නියතයි. මේ අවසන් තප්පරයයි.

මේ කාරණා හොදින් වැටහෙනවා නම් රනිල් , මහින්ද හෝ බැසිල්ලා මේ වෙලාවේ අනවශ්‍ය ගේම් ප්ලෑන් කරන්නේ නැහැ.

එහෙත් ඔවුන්ට දැන් දුර පෙන්නේ නැහැ. ඒකට හේතුව පරාජයේ වියරුව.එත් දැන් තියන තත්වය අනුව මේ කිසිම දෙයක් මේ අයට කරන්න බෑ.

22 ගෙනැල්ලා රනිල් මිනිසුන්ට උඩින් හොද මුහුණ පෙන්නලා චොක්සි නැති නිසා ජයම්පතිට දුන්නා. එයා මේක හරියට කළේ නැහැ. දැන් තමයි මම නින්දෙන් ඇහැරුනේ, ඉතින් දැන් මේක කරල නිවැරදි කරන්න ඕනැ, වගේ මැටි කතා කියන්නේම නොමේරූ කමට නොවෙයි. දාර කපටි කමට.

මේක ලබන සතියේ පාර්ලිමේන්තු න්‍යය පුස්තකයට ඇතුලත් කරල හදිසි පනතක් විදිහට ගේන්න බැරි නිසා, සති දෙකක් ඇදල ඡන්දෙකට යනකොට මේ පැත්තෙන් ජනාධිපතිවරණයට නාම යෝජනා බාර දීලා.

එතකොට ඔය කදවුරෙන් මොකෙක් හරි එන්න වෙනවා. මගේ දැනීමේ හැටියට නම් මේවගේ කුජීත වැඩක් කරලා, රනිල් බැසිල්ට ටොපියක් දීලා පොහොට්ටුවේ සහයෝගයෙන් සජිත්ට කෙළින්න නාමයෝජනා දෙන්න පුලුවන්, යන යකා කොරහ බිදගෙන යනවා සේ, මට නැත්නම් තොපිටත් දෙන්නේ නැහැ, වගේ වැඩක් කරයි.

එහෙම වුනොත් අනුරට ගේමක් ඇත්තෙම නැහැ.

ලැබෙන තොරතුරු අනුව අවසන් මොහොතේ සජියා රනිල් සමග ජේ ආර් ප්‍රේමදාස වගේ සෙට් වෙලා යන්නත් පුලුවන් බැසිල් අමාරුවේ දාල.

එහෙත් සජිත් ඉන්න සිටුවේෂන් එක එක්ක එහෙම එකතු වෙයි කියලා හිතන්න අමාරුයි.

අනෙක් අතට 2020 මහා මැතිවරණයෙන් පාර්ලිමේන්තුවට පැමිණිලා ඉන්න නවක මන්ත්‍රිවරුන්ගේ පැන්ෂන් එක හදිසියේ පාර්ලිමේන්තුව විසිර වුවහොත් ඉවරයි. ඒක නිසා උන් ඔක්කොම මේ පනතට සහයෝගය දෙන්න පුලුවන්.
ඒත් 3/2 ගන්න එක හිතන තරම් ලේසී නැහැ. ඒක ඇතුලේ සමහරක්ට ගොක්කොල පේනවා. ඒක නිසා වැඩේ එච්චර දුරට ඇදෙන එකක් නැහැ. බැරිවෙලාවත් එහෙම වුනත්
ජානාධිපතිවරණය ඉස්සර වෙනවා.

හරියට ජනාධිපතිවරණයට පිටිපස්සෛන් ජනමත විචාරණයක් හරි මහා මැතිවරණයක් හරි පස්සෙන් එලවාගෙන එන වැඩක් වෙනවා. එහෙත් කාලය එක්ක මුදල් ප්‍රතිපාදන මැතිවරණ කොම්ෂන් සභාවේ ගැටලු මහා අලකලංචියක් වෙයි.

මේවායේ අවසාන තේරුම තමා, අනිත් උන් ඔක්කොම අවසන් මොහොත වෙකම්ම තමන්ට ඕනැ විදිහට පාවිච්චි කරලා රනිල් අන්තිම තප්පරය දක්වා ඉදලා මේකෙන් බැහැල යනවා කියන එක.

මිනිහා ප්‍රජාතන්ත්‍රවාදය පිළිබද මහ ඉහළින් කතා කලා. ව්‍යවස්ථාවේ වංගුත් ගහලා එකෙනුත් මේක ගොඩදාන්න බැරි නම්, ගේම ඉල්ලලා රට අවුල් කරලා, මිනිස්සු පාරට ගෙනැල්ල රටේ නොසන්සුං තත්වත් ඇති කරලා හදිසි නීතිය දාල රට ගෙනියන වැඩේත් කරගන්න බැරි නම් මහත්හොරෙක් වගේ බැහැල යනවා කියලා විශ්වාසයක් අපට තියෙනවා

. මොකද එයා දන්නවා දැන් එයාගේ මස් කට්ටට රැවැටිලා බුරන එක නවත්වලා යන්න දෙන මෝඩ බල්ලෝ මේ වෙලාවේ නැහැ. අනෙක් අතට පුහුණු කරපු මිනිකන බල්ලෝ යටි බිම්ගතව සිටින බව ද ඔහු හොදින්ම දනී. එහෙයින්ම මේක දුටුගැමුණු එළාර ගල උඩ සටනකි. අනෙක් අතට රටක් ජාතියත් එක්සත් බවත් අලුත් හැරවුමක් සනිටුවහන් කරන නව විප්ලවීය උදාවකි.

එය හෙට දිනයේ හිරු නැගෙනවා සේ ජයග්‍රහණය ස්ථීරය.

මැතිවරණ අභියෝගය බාර නොගෙන ජනමනස වෙනස් කිරීමට කුමන්ත්‍රණ කරන ලොන්තපොල් පාලකයෝ

 

පැහැදිලිව මේ මොහොත වන විට ශ්‍රී ලංකාවේ පවතින්නේ ජනතාවාදී පාලනයක් නොවේ. හොරු, මංකොල්ලකරුවන් පිරිසක් විසින් ජනතාව ප්‍රාණ ඇපයට ගෙන ඔවුන්ට තර්ජනය කරමින් ඔවුන් සතු දේ ටිකෙන් ටික කඩා ගනිමින් මංපහරන්නන් සේ සිය ජීවත්වීම වෙනුවෙන් සිදු කරන උප්පරවැට්ටියකි. එය මනාව පැහැදිලිවන හොදම ස්ථානය වර්තමාන පාර්ලිමේන්තුවයි.

මේ මොහොතේ පාර්ලිමේන්තුව තුළ සහ එයින් පිටත අසාර්ථක පාලකයින් ද ඔවුන්ගේ පන්තිය නියෝජනය කරන්නන් සහ ඔවුන්ගේ බත්බැලයින් විසින් සිදුකරන තර්ජන සහ ක්‍රියාකාරකම්වලින් පෙනෙන්නේ ඔවුන්ද අවසන් මොහොතේ මරාගෙන මැරෙන්නට වුවද සුදානම් බවයි.

අනෙක් අතට ඔවුනොවුන් කාකොටා ගනිමින් එකිනෙකා වාග් ප්‍රහාර මෙන්ම ගුටිබැට පවා හුවමාරු කර ගැනීම  රගපෑමක් ලෙස මේ මොහොතේ පෙනෙන්නට තිබේ.එය විටෙක නාඩගමක ස්වරූපයක් ගනී.තවත් විටෙක ජනතාව වෙනුවෙන් කරනු ලබන විජ්ජාවක් බව වෙනත් කෝණයකින් සිට බලන අයෙකුට පෙනේ.

කෙසේ හෝ වේවා රට තුළ මේවන විට ජනතාව විශාල වශයෙන් අර්ථික පරිහානියකට පත්ව තිබේ.එය මතු පිටින් පෙනෙනවාට වඩා විශාල කඩා වැටීමක් බව අභ්‍යන්තරික සොයා බැලීම්වලින් අනාවරණය වන්නේය.

මූලික වශයෙන් ජනතාවගේ මූලික අවශ්‍යතාවයන් හිග වෙමින් පවතින අතර ව්‍යාපාර කඩා වැටීම රැකියා අහිමිවීම පුද්ගල අසහනකාරී බව ඉහළ යැමේ ප්‍රවණතාවක් ද පවතී.

තවද ව්‍යාපාර පවත්වාගෙන යාම අසීරුවීම තුළ ඒවා වසා දමමින් තිබේ.එය අභ්‍යන්තරික නාය යෑමකි.

එය ගෝඨාභය ආණ්ඩු සමයේ තෙල් හිග වී ජනතාව පාරට බැස උද්ඝෝෂණය කිරිම වැන්නක් සේ මතු පිටට ඉස්මතු නොවන්නේය.

මන්ද යත් එදා එම උද්ඝෝෂණ වලට සහය දුන් පාර්ෂව වෙත වර්තමානයේ ඇති වෙමින් පවතින පීඩනය නොදැනෙන්නේය.ඒ සදහා වර්තමාන පාලකයා ඔවුන්ව ආරක්ෂා කිරීම සහ ඔවුන්ව සතුටු කිරීමේ ක්‍රමවේදය හොදින් සිදු කරයි.

එමෙන්ම ඔවුන් හරහාම මැද පන්තියේ සහ පහළ පන්තියේ නැගිටීම මර්ධනය කිරීම සදහා සැලසුම් සකස් කරමින් තිබෙන්නේය.

මේ සදහා ඔවුන්ට අවශ්‍ය සහචරයින් ලෙස පහල පන්තියේ පුද්ගලයින් තමන්ට නම්වා ගැනීම සදහා අභ්‍යන්තරික වැඩ පිළිවෙළක් මේ වන විට සකස් කරමින් තිබේ.ඒ හරහා ඔවුන් තම බලය රදවා ගැනීමට උත්සාහ කරයි.

ඒ සදහා මුදල් යෙදවීමටත් එම මුදල් යොදවා කුලී සුනඛයින් පිරිසක් ලවා ජනතාව වෙත කඩා පැන බිය ගැන්වීමටත් සැලසුම් සකස් වෙමින් පවතී.

 එමගින්  ජන මනස අවුල් කර මැතිවරණ ක්‍රියාවලිය වෙත  ජනතාව කේන්ද්‍රගතවිම වැළැක්වීම මේ අයගේ ප්‍රධාන අරමුණ වන්නේය. එමගින් සමාජයේ ප්‍රචණ්ඩ සහ විසිරුණු මානසික ව්‍යාකූලත්වයක් ඇති කිරීම ඔවුන්ගේ අරමුන වී ඇත්තේය.

මේවා කිසිසේත්ම සාමාන්‍ය ජනයාට හෝ පොදු මහ ජනතාව මෙන්ම ග්‍රාමීය මට්ටමේ අහිංසක මිනිසුන්ට නොතේරෙන්නේය.

එහෙත් ඔවුන්ගේ මනස සියුම් ලෙස වෙනස් කිරීම වෙනුවෙන් දියත් කිරීමට නියමිත මෙම කඩාකප්පල්කාරී ක්‍රියාව සදහා පහළම රාජ්‍ය නිලධාරීන් ද යොදා ගැනීමට සැලසුම් කරන්නේය.

ගිලිහෙමින් පවතින බලය කිසියම් ආකාරයකට මැතිවරණ මගින් ඔවුන් වෙතින් ගිලිහී ගියහොත් ඇතිවන තත්වය සහ ඉන් පසු ඔවුන් නියෝජනය කරන්නන් හට ඇතිවන ජීවිත අවධානම මේවන විට මේ අය හොදින් තේරුම් ගෙන තිබේ.

ඒ හරහා මොවුන් බොහෝ විට අවසන් මොහොතේ පාර්ලිමේන්තුව හරහා ඔලු ගෙඩිවලින් සෙල්ලමක් සිදු  කිරීමට ද  නියමිතය.

අවසන් වශයෙන් ඉන් පසු ඇතිවන ජන නැගීටීම මර්ධනය කර පසුව එය දඩමීමා කර ගෙන  මැතිවරණ කල් දමා පාර්ලිමේන්තු කාලය හෝ ජනාධිපති රටේ ආරක්ෂාව වෙනුවෙන් පෙනී සිටීම අරමුණු කරගනිමින් ඉදිරියට ගමන් කිරීමේ මාවතක් සොයා ගැනීම වෙනුවෙන් මේ අය මේවන විට පිඹුරු පත් සකසමින් සිටිති.

එහෙයින් පවතින තත්වය හමුවේ දිවි පරදුවට තබා හෝ අවසන් තප්පරය දක්වා ප්‍රභූ පාලක පන්තිය වෙත අප විසින් සිදු කරන පීඩනය විශාල ජන රැල්ලක් හරහා ද ඔවුන් සතු පරමාධිපත්‍යයේ බලය අභිබවා යා නොහැකි ලෙස මිලිටරිය ද පාලනය  කළ හැකි සූක්ෂම වැඩ පිළිවළක් මේ ක්‍රියාවලියට සමගාමීව දියත් කළ යුතුය.ඒ සදහා පවතින කෙටි කාලය තුළ අප ශක්තිමත්ව එකිනෙකා පෙළ ගැස්සවීම සහ නිශ්චිත අවස්ථාවේ දී නිවරදි ඉලක්ක වෙත ගමන් කරවීම වෙනුවෙන් නොබියව ස්ථානගත විය යුතුව ඇත්තේය.

වෙදහූටියා

අයවැය පරාද කර මහාමැතිවරණයකට යාමේ වැඩි වාසි කාටද ?

මේ වන විට 2024 සදහා වූ අයවැය පර්ලිමේන්තුවට ඉදිරිපත් කර ඇත. ඒ අනුප්‍රප්තික ජනාධිපති සහ මුදල් ඇමති රනිල් වික්‍රමසිංහ විසින්ය.මෙම අයවැය හුදු ඉලක්කම් විජ්ජාවක්  මිස එය සැබැවින්ම මහපොලොවේ යාතාර්ථයක් නොවේ.එය කිසියම්  අවබෝදයක් ඇති මේ රටේ ජීවත්වන ඕනෑම පුරවැසියෙකුට  හැගෙනු ඇත. 

අනෙක් අතට අයවැය සම්බන්ධයෙන් පොහොට්ටුවේ  අනාගතය පිලිබද ඉදිරි සැලසුම් සකස් කරන ප්‍රබල චරිතයක් වන නාමල් රාජපක්ෂ මේ සම්බන්ධයෙන් අදහස් දක්වා ඇත. ඔහු පවසන  ආකාරයට මේ පහුගිය අවුරුද්දේ ඉදිරිපත්කල අයවැයම මිස ඉන් එහාට ගිය දෙයක් නැත, යන්න සදහන් කර ඇත .එම කියමනේ කිසියම් ගතයුත්තක් ඇත. එනම් පහුගිය අවුරුද්දේදීත් රටට වැඩක් නොවුනත්, තමන්ගේ පැවැත්ම වෙනුවෙන් ගියවර අත් එසවූ බවයි . අනෙක් අතට රනිල් වික්‍රමසිංහ සිටින්නේද තම පිරිසේ දෑත මත යන්න ද සනාථ වේ.

රට බංකොලොත් වී ඇති මොහොතක ගෙනෙන අයවැයකින් ජනතාවට සහන සැලසිය හැක්කේ  කෙසේද? මේ අයවැයෙන්ම රාජ්‍ය ණය ගැනීමේ සීමාව රුපියල් බිලියන 3900 සිට රුපියල් බිලියන 7350ක් දක්වා වැඩි කිරීමට ද යෝජනා කර තිබෙනවා. 

එමෙන්ම රජයේ සේවකයින්ට රු 10000 වැඩිකරනවා යැයි පවසන අතර එය ජනවාරි සිට ක්‍රියාත්මක වන බව පැවැසුවත්, එය සිදුවන්නේ 2024 අප්‍රේල් මස සිට යැයි එහිම සදහන් වෙයි. ජනවාරි සිට මාර්තු දක්වා ගෙවීම, එළබෙන ඔක්තොම්බර් වල සිට ගෙවන බව පවසයි. මෙය තනිකරම චන්දය වෙනුවෙන් තම වාසියට මිනිසුන් රැවැටීමේ උපායක් බව බැලු බැල්මටම පෙනෙන්නට තිබේ. මේ කාරනා හැරුනාම පැය දෙකේ ඇයවැය ලේඛණයේ වෙනත් කිසිදු ගත යුත්තක් නැත.

කෙසේ හෝ වේවා පොහොට්ටුවේ අනාගතය සහ ඔවුන්ගේ පැවැත්ම වෙනුවෙන්  පාර්ලිමේන්තුවේ කිසිදු බලයක්  නොමැති රනිල්ගේ අයවැය දෙවන වරටත් සම්මත වුවහොත් එම පාපයට කර ගැසීමට සිදුවන්නේ පොාහාට්ටුවේ මන්තීවරුන්ටම බව සක් සුදත් සේ පැහැදිලිය.

 තව වසරක් මන්තීධූරයේ  සිට තමන්ගේ පැවැත්ම තහවුරු කරගෙන ගෙදර යා හැක. බොහෝ විට මෙය සිදුවිය හැක. අනෙක් අතට නොකෙරෙන  වෙදකමට කොදුරු තෙල් හත් පට්ටයකුත් තවත් ටිකක් ඕනැ කිව්වා සේ  රනිල්ට  ඕනෑ දෙයක් කිව හැක. ඒ වගේම රජයේ සේවකයින්ට ද රු 10000 නොවෙයි 20000 වුවද දිය හැක. රනිල් ගෙදරින් ගේන මුදල්  නොවේ. ඔහුට අවශය වන්නේ තාවකාලිකව  තමන් ජොලියේ රජ සැප විදින ටික කාලයේ කරදරයක් නොවී පොඩි වෙට්ටුවක් දමා කල් මැරිමට ය. එය ඔහුගේ ජානමය පුරුද්දෙන් ආව දෙයකි. 

තත්වය මේ වුවත්  මේ තීරණාත්මක මොහොතේ පොහොට්ටුව සිටින තැනින් දශමයක් හෝ උඩට ඒමටත්, ඔවුන් කල වැරදි කමා කර ගැණීමටත් අවස්ථාවක් පවතී.

 එය නම් අයවැය පරාද කර මහා මැතිවරණයකට යාමට පාර සකසා ගැණීමයි . මේවන විට පොහොට්ටුවේ නායකයෝ කියන විදිහට රනිල් ගෙනාවේ ඒ වන විට අරගලය හරහා රට අරාජීක වීම වැලක්වීම නම්, මේ මොහොතේ  රනිලගෙන් රට බේරා ගැනීම සදහාද  අවස්ථාව ඇත්තේ  පොහොට්ටුවටමය. මේ කියමන්  වල සත්‍ය අසත්‍යතාවය අපට වැඩක් නැත.

 එහෙත් එදා මෙන්ම අදද තමන්ගේ පැවැත්මට ක්‍රියාකර ඇති ඔවුන් මේ මොහොතේ  අයවැය පරාද කර මහා මැතිවරණයකට යැම තමන්ට සුභදායක වන බව සිතනවා නොවනුමානය.

 මන්ද අයවැය ජයග්‍රහණය කර IMF එකේ දෙවන වාරිකයද නොමැතිව ඉදිරි මාස 9 තුල රට ඉදිරියට යාම අතිශයින්ම දුෂ්කර වන අතර රටේ ඇතිවන ජන අප්‍රසාදය තවත් වැඩි වී  පොහොට්ටුව කම්බස් වී යාමට නියමිතය.

 එමෙන්ම ඒ  හරහා රනිල් කරන්නා වූ කිසියම් තාවකාලික විජ්ජාවන් නිසා ඔහු ඔහුගේ පැවැත්ම තහවුරු කර ගැනීමට ඉඩ  තිබේ. එමගින්  පො‍හොට්ටුවට කිසිදු වාසියක් ඇති වන්නේ නැත. එහෙත් අයවැය පරාද කර මහා මැතිවරණයකට යාමට පාර සැකසුවොත් ජනාතාව ඉදියේ පොහොට්ටුවේ අයට කීමට දෙයක් ඇත.

 අනෙක් අතට මේවන විට දරුණු ලෙස නයා යමින් පොහොට්ටු පාක්සිකයෝ ජාතික ජන බලවේග වෙත ඇතී යාමද  කිසියම් හෝ ප්‍රමාණයකින් අඩුකර ගැණීමට හැකි වනු ඇත.

එසේ මහා මැතිවරණයකට යාමෙන් අඩුම ගානේ පොහොට්ටුවට මන්ත්‍රි ආසන 50 සීමාවේ හෝ නතර වීමට හැකිවනු ඇත. එසේ නොවුවහොත් ඉදිරි කාලයේ එම චන්ද සජිත් රනිල්  එකතුවටත් අනුර වටාත් එකතු වී අවසානේ  පොහෝට්ටුවට මෙන්ම මහින්දට ගෞරවාන්විත මරණයක් හෝ අත් කර ගැණීමට  ඇති හැකියාව නැති වන්නේය.

 මේ කාරනා සියල්ල සලකා බැලු විට  මෙම අයවැය පරාද කර මහා මැතිවරණයකට යාමේ වැඩිම වැසි ඇත්තේ පොහෝට්ටුවට බව පෙන්වා දිය යුතුය.  එසේ නොවී මේ අය තව දුරටත් රනිල්ගේ යටත් වැසියන් වී සිටින්නට උත්සහ කරන්නේ නම්, එය රනිල්ගේ වාසනාවට කැරකෙන තවක් බෝනස් එකක් මිස අන් කිසිවක් නොවන්නේය.

චමින්ද ප්‍රීති කුමාර
 

ඩලස් සාධකය සහ අනුරගේ ප්‍රතිචාරය

 

මේ කාරණය පිළිබදව අදහසක් පළ කරන්නට මා කල්පනා කළේ මීට බොහෝ කලකට පෙරයි.එහෙත් එසේ නොකළේ කිසියම් කාරණයක් හේතුකොට ගෙනයි.එහෙත් මේවන විට ඩලස් ඇතුලු පිරිසක් මාලිමාවේ නියෝජිතයින් හෝ අනුර සහෝදරයා මුණ ගැසුණු කතාවක් පැතිර යන හෙයින් ලියන්නෙකු වු මා මේ පිළිබදව මගේ අදහස් ලියන්නට මෙය අවස්ථාවක් කර ගනිමි.

                       ඩලස් කවුද? ඔහුගේ දේශපාලන භාවිතය මොකද්ද යන්න මා  විශේෂ දෙයක් කියන්නේ නැත.ඔහු ප්‍රගතිශීලී දේශපාලන භාවිතයක් ඇති පුද්ගලයෙකු ලෙස භාවිතයෙන් ඔප්පු කර ඇති අයෙකි.

අවසන් වරට ඔහු පොහොට්ටුව ලකුණෙන්  පාර්ලිමේන්තුවට පැමිණියේය.දැන් පොහොට්ටුව දියවී අවසන්ය.එහි විවිධ මත දරණ කොටස් තම තමන්ගේ දේශපාලන භාවිතය මෙන්ම කියවීම අනුව ඊළග ප්‍රතිසංසිද්ධිය අපේක්ෂාවෙන් තැන් තැන සොයමින් සිටී.

ඩලස්ට මොනවා කීවත් සජිත් සමග එකතුවීමට සම්භාවිතාවයෙන්ම පුලුවන්කමක් නැත.නැවත පොහොට්ටුව ප්‍රාණය නොලබන හෙයින් ඒ හා බැදුණු එයට ජීවය සපයන ස්ථානයන් ද  අභාවයට   යෑම සහතිකයි. එහෙයින් ඔහුට මාලිමාව නිශ්චිත නවාතැනක් වනු ඇතැයි සිතමු.

එහෙත් එයට පැමිණිය යුත්තේ  තනිතනිවම හෙයින් එය කෙසේ  සිදුවන්නේද යන්න මා නිශ්චිතව දන්නේ නැත.කෙසේ වුවත් ඩලස් සමග සිටින ප්‍රගතිශීලි චරිත විනාශ කර නොගත් මන්ත්‍රීවරුන්ට මේ මොහොතේ මාලිමාව වැදගත්වන බව මා එකහෙලාම කියන්නෙමි.

            දෙවන කාරණය අනුර සහෝදරයා කියා ඇති පරිදි අපට මේ වෙලාවේ වරද්දා ගන්න කිසිදු අයිතියක් නැත.අනෙක් අතට රාජ්‍ය බලය ලබාගැනීම ලේසි පහසු කටයුත්තක් නොවේ.ලබා ගත්ත ද එය රැකගැනීම ඊටත් වඩා අපහසු තත්වයකි.විප්ලවය කළ යුතුවන්නේ ඡන්දයකිනි.

වෙනත් මාවත් මේ මොහොතේ ප්‍රයෝගික නොවන්නේ ලෝකය ඒවා පිළි නොගන්නා හෙයිනි.මේ කාරණා දේශපාලන කියවීමක් සහිත වූවන් හොදින් දනී.තවද ඡන්ද පදනම පිළිබද අප තක්සේරු කරන විට මේ මොහොතේ අප වපසරිය පුලුල් කර ගැනීම කර ගත යුතුමයි.

අදානග්‍රහී මතවල සිට පවතින තත්වය මත දේශපාලන තීන්දු තීරණ නොගත යුතුය.එසේ වුවහොත් අප මේ සිටිනා  තැනින් තව දුරටත් ඉදිරියට යා නොහැකි වනු ඇත.බහුතර සිංහල ජනතාව මෙන්ම ප්‍රගතිශීලී සුලු ජාතීන්ද ඒක රාශී කර ගැනිම කළ යුතුය.

විශේෂයෙන්ම දේශප්‍රේමී බලවේග ප්‍රගතිශීලී වාමාංශික බලවේග මෙන්ම ඡන්ද පදනම ශක්තිමත් කර ගත හැකි සෙසු ගාමක බලවේග සියල්ල ද  මාලිමාව ඉදිරියේ පෙල ගැස්විය යුතුය.එසේ නොමැතිව න්‍යයාය මත ක්‍රියා කිරීමට අප නොයා යුතුයි.ජේ.වී.පී.ය අඩියක් පස්සට ගෙන මාලිමාව නිර්මාණය කළා මෙන්ම  එහි සාර්ථකත්වය මත තවත් අඩියක් පස්සට ගෙන ප්‍රගතිශීලී කණ්ඩායම් නියෝජනය කරන පාර්ලිමේන්තු මන්ත්‍රීවරුන් ද මේ මොහොතේ එක් කර ගැනීම කලෝචිතය.

                 විශේෂයෙන්ම මේවන විට මාලිමාව ශක්තිමත් වී ඇත්තේ පෙහොට්ටුවේ ඡන්ද පදනමින්ය.එසේ නොමැති නම් මහින්ද රාජපක්ෂ සතුව තිබූ ජන ප්‍රසාදය යි. මේවන විට වඩා ප්‍රගතිශීලී ජනතාව මාලිමාව වැලදගෙන හමාරයි.එමෙන්ම මධ්‍යස්ථව දෝලනය වන විශාල ඡන්ද පදනමක් ඇත.ඔවුන් එසේ පැමිණෙන්නේ නැත.ඒ සදහා ඔවුන්ට විශේෂ උත්තේජනයක් දිය යුතුය.එයට වඩාත් සුදුසුම සාධකය ඩලස් විය හැකිය.

                    අනෙක් අතට වර්තමානයේ පවතින සංකිර්ණ මෙන්ම උණූසුම් දේශපාලන වාතාවරණය තුළ බැසිල්ගේ උපායන් හෝ වෙන යම් කාරණා මත දහවල් ඇණ කොටා ගන්නා උන් රාත්‍රී යේ දී  එක් වී කුමන්ත්‍රණ කරන්නේය.ලන්සාගේ හැසීරීමෙන්  අපට ඒ බව බොහෝ සෙයින් පැහැදිලි වේ.ඔහු පිරිසක් සමග වෙනම ගමනක් යාමටත් රනිල් සමග නැවත කෙටි කාලීන ආණ්ඩුවක් පිහිටුවීම වෙනුවෙන් ද පෙනී සිටී.මේ තත්වය තුළ පොහොට්ටුවේ රනිල් ප්‍රතික්ෂේප කරන පිරිසක් ද සිටී.මේවා දේශපාලන බොරු වලවල්ය. මේ පිළිබද කිසියම් කියවීමක් තිබිය යුතුය.

           කිසියම්  මොහොතක රනිල් සජිත් එක් වී ලන්සා පිළේ සහයෝගයෙන් ආණ්ඩුවක් පිහිටුවා  ලන්සා පිළ එයට එකතු වුවහොත් ඉතිරි පොහොට්ටුවේ පිරිස විපක්ෂය වනු ඇත.එය ඔවුන්ට නැවත නැගිටීමට ලැබෙන ස්වර්ණමය අවස්ථාවක්ය.එවැනි තත්වයක් තුළ මැතිවරණයකට යාමෙන් වර්තමානයේ මාලිමාවට පවතින ඡන්ද ප්‍රසාදය පලුදු වීමට ඉඩ තිබේ.එහෙයින්ද ඩලස් සාධකය මේ මෙහොතේ වැදගත් වනු ඇත.

                        තවත් පැත්තකින් ඉදිරියේ දී පැමිණෙන කවර මැතිවරණයක දී වුව ද පොහොට්ටුවෙන් කැඩෙන සියලු ඡන්ද මෙන්ම මධ්‍යස්ථ ප්‍රගතිශීලීන් සහ සියලු වාමාංශීක කොටස්වල ප්‍රසාදය මාලිමාව දිනා ගත යුතුය.සුලු ජාතික ජාතිවාදී  කොටස් අපට කිසිසේත්ම විශ්වාස කළ නොහැක.

මේ කාරණා මත මේ මොහොතේ මාලිමාව ගන්නා  තීරණාත්මක තීන්දු තීරණ ඔවුන්ගේ හෙට දවසේ දේශපාලන ගමන් මගේ  ජයග්‍රණ තීරණය කරනු ඇත. එමෙන්ම ඒ සෑම තීරණයකම ඊළග පාලන බලය ගොඩ නැගීම සදහා වූ මාවත වෙත ගමන් කරන තීන්දු තීරණම විය යුතුමය.

වෙදහූටියා